काठमाडाैं- नेकपा एमालेको स्थायी कमिटीको बैठक आज पनि बस्दै छ। अपरान्ह ४ बजे प्रधानमन्त्री निवास बालुवाटारमा बैठक बस्न लागेको स्थायी कमिटी सदस्य छबिलाल विश्वकर्माले जानकारी दिए।
बैठकमा पार्टी एकताको लागि अहिलेसम्म भएका पहलबारे छलफल हुने बताइएको छ। यसअघि हिजो बसेको बैठकले पार्टी एकताका लागि अन्तिमसम्म प्रयत्न गर्ने निर्णय गरेको थियो।
त्यसैकारण माधव नेपाल पक्षका थप १२ सांसदमाथिको कारबाही रोकिएको थियो। दुवैतर्फका दोस्रो तहका नेताहरू पार्टी एकता जोगाउन आन्तरिक रूपमा छलफल र परामर्शलाई निरन्तरता दिइरहेका छन्।
प्रकाशित: Jun 02, 2021| 05:27 बुधबार, जेठ १९, २०७८
