काठमाडौं- काठमाडौं उपत्यकासहित आज देशका अधिकांस स्थानमा मौसम सफा रहेको छ।
मौसम पूर्वानुमान महाशाखाका अनुसार प्रदेश १ का केही ठाउँमा बादल लागे पनि अन्य स्थानको मौसम भने बिहानैदेखि सफा छ।
भारतको पश्चिम बंगाल आसपास बनेको न्यून चापीय क्षेत्रका कारण प्रदेश १ का केही स्थानमा बादल लागेको र स्थानीय वायुका कारण अरु केही ठाउँमा सामान्य बादल लागे पनि अहिले देशमा पानी पार्ने उल्लेख्य प्रणाली नरहेको मौसम महाशाखाले जनाएको छ।
अझै केही दिन ठूलो पानी पार्ने खालको मौसमी प्रणाली आउने सम्भावना कम रहेको महाशाखाले जनाएको छ। प्रदेश १ का केही ठाउँमा भने सामान्य पानी पर्ने देखिएको छ। प्रि-मनसुनको समय भएकोले दिउँसोपछि केही ठाउँमा बादल आएर सामान्य पानी पर्ने सम्भावना भने रहिरहने महाशाखाले जनाएको छ।
प्रकाशित: Jun 02, 2021| 02:00 बुधबार, जेठ १९, २०७८
