काठमाडौं– पछिल्लो २४ घण्टामा देशभर ६ हजार ८५ जनामा कोरोना संक्रमण पुष्टि भएको छ।
१७ हजार १४७ जनाको पीसीआर विधि र ३ हजार १८ जनाको एन्टिजेन परीक्षण गर्दा ६ हजार ८५ जनामा संक्रमण पुष्टि भएको मन्त्रालयको जनाएको छ।
आज पनि नयाँ कोरोना संक्रमितभन्दा संक्रमणमुक्त हुने धेरै भएका छन्। पछिल्लो २४ घण्टामा ६ हजार ८९८ संक्रमित कोरोनामुक्त भएका छन्। हालसम्म कोरोना संक्रमितको संख्या ५ लाख ६६ हजार ५८७ पुगेको छ भने संक्रमणमुक्त हुनेको संख्या ४ लाख ५४ हजार ३४४ छ।
अहिले १ लाख ४ हजार ७८९ जना संक्रमित आइसोलेसनमा छन्। आज ६८ जना कोरोना संक्रमितको मृत्यु भएको छ। योसँगै मृत्यु हुनेको संख्या ७ हजार ४५४ पुगेको छ।
प्रकाशित: Jun 01, 2021| 11:27 मंगलबार, जेठ १८, २०७८
