विराटनगर- कोरोना भाइरस संक्रमणबाट विराटनगरमा थप तीन जनाको मृत्यु भएको छ।
कोशी अस्पताल कोभिड–१९ उपचार केन्द्रमा दुई र नोबेल शिक्षण अस्पतालमा एक जनाको मृत्यु भएको हो।
कोशी कोभिडमा सुनसरीको इनरुवा नगरपालिका–५ का ४७ वर्षीया पुरुषको सोमबार राति १० बजेतिर मृत्यु भएको छ।
अस्पतालका सूचना अधिकारी अनुपम राजवंशीका अनुसार सुनसरीको इटहरी उपमहानगरपालिका–८ का ७० वर्षीय पुरुषको सोमबार राति १२ बजे पनि मृत्यु भएको छ।
नोबेल अस्पतालमा मोरङको सुन्दरहरैंचा नगरपालिका–८ का ७७ वर्षीय पुरुषको मंगलबार बिहान ९ बजेतिर मृत्यु भएको अस्पतालका प्रबन्धक नारायण दाहालले जानकारी दिए।
प्रकाशित: Jun 01, 2021| 06:34 मंगलबार, जेठ १८, २०७८
