काठमाडौं- काठमाडौं उपत्यकामा निषेधाज्ञालाई एक साता थप्ने तयारी भएको छ। कोरोनाभाइरस संक्रमणमा केही कमि आएको भन्दै निषेध आदेश पूर्ण रुपमा निस्तेज नपारिए पनि केही खुकुलो गर्ने तयारी भइरहेको काठमाडौंका प्रमुख जिल्ला अधिकारी कालिप्रसाद पराजुलीले बताए।
'आज अपरान्ह उपत्यकाका तीनै प्रमुख जिल्ला अधिकारीको संयुक्त बैठक बस्दै छ। सोही बैठकले निषेध आदेशलाई आगामी दिनमा कसरी अगाडि बढाउने भन्ने विषयमा छलफल गर्ने छ', उनले नेपाल समयसँग भने। तर, खाद्य तथा किराना पसल भने खुलाउन दिने उनले बताए।
अहिलेको निषेधाज्ञा जेठ २० गते मध्यरातसम्म कायमै छ। त्यसपछि थपिने निषेध आदेश केही खुकुलो हुने भएको हो।
प्रकाशित: Jun 01, 2021| 06:29 मंगलबार, जेठ १८, २०७८
