काठमाडौं- नेपाल एयरलाइन्सको चार्टर विमान मंगलबार चिनियाँ खोप लिएर काठमाडौं आउँदैछ। चीनले अनुदानमा दिएको ८ लाख डोज खोप लिएर आज चार्टर विमान काठमाडौं आइपुग्ने भएको हो।
चिनियाँ राष्ट्रपति सी चिनफिङले सहयोग घोषणा गरेको १० लाख डोज खोपमध्ये करिब ८ लाख डोज आज काठमाडौं पुग्न लागेको हो। सोमबार राति ११ बजे बेइजिङका लागि उडेको विमान आज दिउँसो साढे २ बजे खोप लिएर काठमाडौं फर्किने छ।
उक्त खोप ६० देखि ६५ वर्ष उमेर समूहका व्यक्तिलाई दिइने सरकारी तयारी छ। स्वास्थ्य सेवा विभागको परिवार कल्याण महाशाखाका प्रमुख डा. तारानाथ पोखरेलले चीनबाट आउने १० लाख ‘भेरोसेल’ जोखिम वर्गको आधारमा ६० देखि ६५ वर्ष उमेर समूहलाई दिन लागिएको जानकारी दिए।
प्रकाशित: Jun 01, 2021| 01:51 मंगलबार, जेठ १८, २०७८
