काठमाडौं- पूर्वप्रधानमन्त्री डा बाबुराम भट्टराईले राष्ट्रपति विद्यादेवी भण्डारीले विभिन्न देशका राष्ट्रप्रमुखहरूलाई पत्र पठाउँदै खोप माग्न लगाएको भन्दै आपत्ति प्रकट गरेका छन्। सोमबार ट्विट गर्दै डा भट्टराईले राष्ट्रपतिलाई खोपको भिख माग्न लगाइएको प्रति असन्तोष व्यक्त गरेका हुन्।
'सरकार खुराफातमा मस्त हुने सेरेमोनियल राष्ट्रपतिलाई चाहिँ भिख माग्न लगाउने? खै लाजसरम्?,' उनको ट्विटमा प्रश्न गरिएको छ।
कोरोनाविरूद्धको खोप सबैलाई छिटो उपलब्ध गराउनु राज्यको प्रमुख दायित्व भएपनि राष्ट्रपतिलाई खोप माग्न लगाउन नहुने उनको भाव छ। सरकारले खोप व्यवस्थापन नगरेको भन्दै सरकार आफैँ कुहिराको काग भएको आरोप समेत लगाएका छन्।
'हामीजस्तै ठूला देशको चेपमा परेको मंगोलियाले कुशलतापूर्वक रूस र चीन दुवैबाट लिएर सबैलाई पुर्याइसक्दा हामी किन कुइराको काग जस्तो?,' डा भट्टराईले ट्विटमा लेखेका छन्।
प्रकाशित: May 31, 2021| 16:31 सोमबार, जेठ १७, २०७८
