सुदूरपश्चिममा कोरोनामुक्त हुने दर ७०.५८ प्रतिशत

धनगढी- सुदूरपश्चिममा कोभिड-१९ का नयाँ संक्रमित थपिनेभन्दा निको हुनेको संख्या बढ्दै गएको छ। पछिल्लो २४ घण्टामा प्रदेशमा २९५ जना कोरोना संक्रमित थपिँदा ९१८ जना निको भएका छन्। निको हुने दर ७०.५८ प्रतिशत हो। 

प्रदेश स्वास्थ्य निर्देशनालयका अनुसार हालसम्म ४२ हजार ३९३ जना कोरोनाका संक्रमित फेला परेकोमा २९ हजार ९२२ जना निको भएर फर्किएका छन्। 

निर्देशनालयका अनुसार प्रदेशमा ११ हजार ९१७ सक्रिय संक्रमित छन्। जुन २८.२३ प्रतिशत हुन आउछ। कुल सक्रिय संक्रमितमध्ये १८५ जनाको प्रदेशका विभिन्न सरकारी अस्पतालमा उपचार भइरहेको छ। सोमध्ये १० जनाको भेन्टिलेटर र ४७ जनाको आईसीयूमा उपचार भइरहेको निर्देशनालयले जनाएको छ। 

मृत्युदर एक प्रतिशत बढी

सोमबार प्रदेशका बिभिन्न जिल्लामा ५ जना कोरोना संक्रमितको मृत्यु भएको छ। योसँगै प्रदेशमा कोरोना संक्रमितको कुल संख्या ५०० पुगेको छ। 

निर्देशनालयका अनुसार पछिल्लो २४ घण्टामा कैलालीमा २ जना तथा कञ्चनपुर, बैतडी र बाजुरामा १/१ जनाको मृत्यु भएको छ। पछिल्लो समय प्रदेशमा दैनिक मृत्यु हुनेको संख्या कम भए पनि कुल मृत्युदर १.१७ पुगेको छ।