काठमाडौं- केपी शर्मा ओली पक्षीय नेकपा (एमाले) निकट राष्ट्रिय युवा संघको अध्यक्षमा किरण पौडेल चयन भएका छन्। सोमबार भर्चुअल रूपमा भएको सचिवालय बैठकले पौडेललाई अध्यक्षमा चयन गरेको महासचिव रमेश आचार्यले जानकारी दिए।
संघका अध्यक्ष बचनवहादुर सिंह उमेरहदका कारण स्वतः पदमुक्त भएपछि सहअध्यक्ष पौडेललाई अध्यक्षमा चयन गरिएको बताइएको छ। युवा संघमा ४० वर्ष उमेर हद तोकिएको छ।
महासचिव आचार्यले सोमबारको बैठकले अध्यक्ष मात्र चयन गरेको र केन्द्रीय कमिटी यथावत् रहेको बताए। संघमा एक हजार दुई सय सदस्यीय केन्द्रीय कमिटी छ।
नवनिर्वाचित अध्यक्ष पौडेलले सङ्घलाई कोरोना भाइरस महामारी नियन्त्रणका रुपमा परिचालन गर्ने बताए। परिस्थिति अनुकुल हुने बित्तिकै महाधिवेशन उनको भनाइ छ। -रासस
प्रकाशित: May 31, 2021| 12:45 सोमबार, जेठ १७, २०७८
