काठमाडौं- आइतबार सूचक र कारोबार रकमको रेकर्ड ब्रेक गरेको नेप्से सोमबार भने ४५ अंकले घटेको छ। आइतबार ऐतिहासिक बिन्दु (२८२७.९३) मा पुगेको नेप्से सोमबार भने २७८२.८६ अंकमा झरेको हो।
सोमबार नेप्सेमा १३ अर्ब ९० करोड ९१ लाख १३ हजारको कारोबार भएको छ। नेप्सेमा सोमबार जलविद्युत समूहको उपसूचक सर्वाधिक घटेको छ। जलविद्युत उपसूचक ४.३१ प्रतिशतले घटेको हो।
सोमबार सबैभन्दा बढी राधी विद्युत कम्पनीको कारोबार भएको छ। कम्पनीको ९१ करोड ८ लाखको कारोबार भएको हो।