जनकपुरधाम- प्रदेश २ सरकारले बजेट अधिवेशन आह्वान गर्न सिफारिश गरेको छ।
मन्त्री परिषदको आज बसेको बैठकले चालु अधिवेशन अन्त्य गर्दै जेठ २४ गते बजेट अधिवेशन आह्वानका लागि सिफारिश गरेको हो। बजेट अधिवेशन आह्वान गर्नका लागि प्रदेश प्रमुख समक्ष सिफारिस गर्ने निर्णय गरिएको सरकारका प्रवक्ता एवं आन्तरिक मामिला तथा कानुन मन्त्री ज्ञानेन्द्र कुमार यादवले जानकारी दिए।
प्रदेश प्रमुखले बजेट अधिवेशनका लागि सिफारिश गरेपछि प्रदेश सभामार्फत आगामी आर्थिक वर्षको नीति तथा कार्यक्रम र बजेट प्रस्तुत गर्नेछ।
प्रकाशित: May 31, 2021| 05:57 सोमबार, जेठ १७, २०७८
