सहमतिमै अलग हुन बाबुराम भट्टराईको प्रस्ताव

काठमाडाैं - जनता समाजवादी पार्टी (जसपा) का संघीय परिषद् अध्यक्ष डा.बाबुराम भट्टराईले सहमतिमै पार्टी अलग बनाउन प्रस्ताव गरेका छन्। 

पार्टी विभाजनको संघारमा पुगेका बेला गएराति एक ट्विट गर्दै भट्टराईले जारी तमासा अन्त्य गरी टुक्रिएर बस्न प्रस्ताव गरेका हुन्।

‘हात मिलाएर आ-आफ्नो बाटो लागौं, हिँडिरहे फेरि भेट हुनेछ,’ भट्टराईले लेखेका छन्, ‘मान्छे तानातान र किनबेचको तमासा नगरौं। भेडा भेडासँग र बाख्रा बाख्रासँग हुन दिऊँ।’  उनले अहिले नयाँ ध्रुवीकरण गर्नुपर्ने बेला आएको पनि बताएका छन्। 

जसपामा अहिले अध्यक्षद्वय महन्थ ठाकुर र उपेन्द्र यादव पक्षबीचको विवाद उत्कर्षमा पुगेको छ।

अहिलेको राजनीतिक संकट पुरानो विचार,पार्टी र नेतृत्वको सामुहिक विघटनको अभिव्यक्ति हो।नयाॅ निर्माणनिम्ति पुरानो भत्कनैपर्छ।समयले नयाॅ ध्रुवीकरण खोज्दैछ।अत:मान्छे तानातान र किनबेचको तमासा नगरौं!भेडाभेडासंग र बाख्राबाख्रासंग हुन दिऊॅ!हातमिलाएर आआफ्नो बाटो लागौं!हिडिरहे फेरि भेटहुनेछ!

— Baburam Bhattarai (@brb1954) May 30, 2021