राष्ट्रपतिले कैद मिनाहा गरेका व्यक्ति हत्यादेखि बहुविवाहसम्मका दोषी [सूचीसहित]

काठमाडौं- सरकारले गणतन्त्र दिवसको अवसर पारेर ज्यान मार्ने उद्योगमा दोषी ठहर भएकासहित ४३० जना कैदीको कैद सजाय मिनाहा गरेको छ। 

सरकारको सिफारिसका आधारमा राष्ट्रपति विद्यादेवी भण्डारीले उनीहरुको कैद अवधि मिनाहा गरेकी हुन्। यसरी कैद सजाय माफी पाउनेमा जघन्य अपराध (कर्तव्य ज्यान) मुद्दामा दोषी ठहर भएका मात्रै १०९ जना छन्।

ज्यान मार्ने उद्योगको कसूरमा दोषी ठहर भएका २१ जनाले पनि कैद मिनाहा पाएका छन्। 

यस्तै कैद मिनाहा पाउनेमा ४३ जना मात्रै बहुविवाहको मुद्दामा दोषी ठहर भएका व्यक्ति छन्। फौजदारी कसुर (सजाय निर्धारण तथा कार्यान्वयन) ऐन, २०७४ को दफा ३७ मा कैद कट्टा हुनसक्ने व्यवस्था गरिएको छ।

उक्त दफाको कार्यान्वयनका लागि बनाइएको ‘फौजदारी कसूर (कैद कट्टा) नियमावली, २०७६ मा बहुविवाह गरेका व्यक्तिको कैद कट्टा गर्न नसकिने व्यवस्था गरिएको छ।

यी माफी पाउने व्यक्ति