काठमाडौं- सरकारले प्रतिनिधिसभा विघटन गरेर अध्यादेशमार्फत बजेट ल्याएकोप्रति विपक्षी गठबन्धनले आपत्ति जनाएको छ। आइतबार कांग्रेस सभापति शेरबहादुर देउवा निवास बुढानिलकण्ठमा बसेको गठबन्धनको बैठकले प्रतिनिधिसभा विघटन गरेको सरकारले अध्यादेशमार्फत बजेट ल्याएको भन्दै आपत्ति जनाएको हो।
बैठकले साझा धारणा संयुक्त विज्ञप्तीमार्फत सार्वजनिक गर्ने भएको छ। बैठकमा सहभागि नेताहरूले संविधान विपरीत सरकारबाट भएका गतिविधिको विरोधमा संयुक्त विज्ञप्ति सार्वजनिक गरेको छ।
बैठकमा देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेता कृष्णबहादुर महरा र देव गुरूङ, नेकपा एमालेका नेता माधवकुमार नेपाल र भीम रावल, जनता समाजवादी पार्टीका संघीय परिषद अध्यक्ष बाबुराम भट्टराई र केन्द्रीय परिषद अध्यक्ष उपेन्द्र यादव लगायतका नेता सहभागि थिए।
