काठमाडौं- नेपाल प्रहरी र सशस्त्र प्रहरीको रासनभत्ता १५ प्रतिशत वृद्धि हुने भएको छ। अर्थमन्त्री विष्णु पौडेलले आर्थिक वर्ष २०७८/७९ को बजेट प्रस्तुत गर्दै साउनदेखि रासनभत्ता बढाउने योजना ल्याएका हुन्।
विगत ६ वर्षदेखि सुरक्षाकर्मीको रासनभत्ता बढ्न सकेको थिएन। गृह मन्त्रालयले करिब ३३ प्रतिशत रासनभत्ता वृद्धि गर्न सिफारिस गरेको थियो। तर, सरकारले १५ प्रतिशत मात्र वृद्धि गरेको हो। हरेक जिल्लामा प्रहरीको रासनभत्ता फरक–फरक हुने व्यवस्था छ।
नेपाल प्रहरी र सशस्त्र प्रहरीका कर्मचारीले रासनबापात भत्ता पाउने भए पनि नेपाली सेनाका कर्मचारीले भने ठेक्का प्रक्रियामार्फत् रासन नै लिने गर्दछन्।
प्रकाशित: May 29, 2021| 14:31 शनिबार, जेठ १५, २०७८
