काठमाडौं- सरकारले ३ प्रदेशका ९ जिल्लामा पाठेघरको मुखको क्यान्सरविरुद्ध खोप कार्यक्रम सञ्चालन गर्ने भएको छ।
आर्थिक वर्ष २०७८/०७९ को बजेट सार्वजनिक गर्दै अर्थमन्त्री विष्णु पौडेलले सो जानकारी दिएका हुन्। उनले आगामी २ वर्षभित्र सबै स्थानीय तहलाई क्षयरोगमुक्त क्षेत्र घोषणा गरिने जानकारी दिए।
क्षयरोग, मलेरिया, एड्स तथा यौनरोग र कुष्टरोग नियन्त्रण कार्यक्रमका लागि १ अर्ब ४६ करोड बजेटको व्यवस्थाा गरिएको छ।
साथै ४० वर्षमाथिका व्यक्तिको रक्तचाप, पिसाव तथा ग्लुकोज जाँच स्तन क्यान्सर, पाठेघरको मुखको क्यान्सरको निशुल्क जाँच गर्ने व्यवस्था मिलाइएको जानकारी दिए।
प्रकाशित: May 29, 2021| 10:56 शनिबार, जेठ १५, २०७८
