भ्याक्सिन सहयोगका लागि जो बाइडेनलाई राष्ट्रपति भण्डारीको पत्र

काठमाडौं - राष्ट्रपति विद्यादेवी भण्डारीले कोरोनाविरुद्धको भ्याक्सिन सहयोगका लागि अमेरिकी राष्ट्रपति जो बाइडेनलाई पत्र लेखेकी छन्। 

नेपाललाई सहयोग गर्ने बारेको पत्र अमेरिकाका लागि नेपाली राजदूत डा. युवराज खतिवडाले अमेरिकी इर्विन मासिंगालाई छलफलका क्रममा हस्तान्तरण गरेका हुन्। मासिंगा राज्य विभागका वरिष्ठ सल्लाहकार हुन्। 

राजदूत खतिवडाले मासिंगालाई नेपालमा कोभिड संक्रमणको अवस्थाबारे जानकारी गराएका छन्। साथै उनले नेपालको भ्याक्सिनेसन योजनाबारे पनि छलफल गरे। उनले अमेरिकी सरकारको तर्फबाट नेपाललाई भ्याक्सिन सहयोग गर्नेबारे पनि आग्रह गरेका छन्। 

त्यस्तै राजदूत खतिवडाले जे एन्ड जे भ्याक्सिन खरिद गर्नेबारे पनि सल्लाह गरेका छन्। 

मासिंगाले पनि अमेरिकी सरकारले नेपाललाई सहयोग गर्ने प्रतिबद्धता व्यक्त गरेका छन्।

नेपालले जानसेन इन्फेक्टिअस डिजिज एण्ड भ्याक्सिन फार्मास्युटिकल्सबाट भ्याक्सिन खरिद गर्नेबारे योजना बनाइरहेको छ। 

त्यस्तै मासिंगाले एजेड भ्याक्सिनको खर्चको बाँडफाँट भने कोभ्याक्स र द्विपक्षीय सम्झौताबाट निर्धारण गर्ने कुरा गरेका थिए।