जनकपुरधाम- प्रदेश २ का मुख्यमन्त्री लालबाबु राउतले कोरोना महामारीको वर्तमान अवस्थाबारे बुझ्न प्रदेशका आठवटै जिल्लाका प्रमुख जिल्ला अधिकारीहरुसँग छलफल गरेका छन्।
मुख्यमन्त्री तथा मन्त्रिपरिषद्को कार्यालयले आयोजना गरेको भर्चुअल संवादमा मुख्यमन्त्री राउतले आठवटै जिल्लाका प्रमुख जिल्ला अधिकारीहरुसँग जिल्लाको वर्तमान अवस्था, सरकारले चालेका कदमहरुको प्रभाव र अगामी दिनमा अपनाउनु पर्ने रणनीतिहरुबारे जानकारी लिएका हुन्।
छलफलमा प्रमुख जिल्ला अधिकारीहरुले जिल्लामा रहेको कोरोना संक्रमितहरुको अवस्था, अस्पतालहरुमा थप गर्नुपर्ने सुविधालगायतका विषयमा जानकारी गराएका थिए।
प्रमुख जिल्ला अधिकारीहरुको व्रिफिङ्गपछि मुख्यमन्त्री राउतले जिल्लाहरुबाट भएको मागहरुबारे प्रादेशिक कोरोना संकट व्यवस्थापन केन्द्र र मन्त्रिपरिषद्को बैठकबाट निर्णय गरिने जानकारी गराए।
प्रकाशित: May 28, 2021| 12:24 शुक्रबार, जेठ १४, २०७८
