काठमाडौं - धनगढी उपमहानगरपालिकाले खोप खरिदका लागि संघीय सरकारसँग अनुमति माग गरेको छ। उपमहानगरपालिकाले संघीय स्वास्थ तथा जनसंख्या मन्त्रालयसँग खोप खरिदका लागि अनुमति माग गरेको हो।
उपमहानगरपालिकाले स्थानीयबाट भ्याक्सिनको अत्यधिक माग आएको भन्दै नागरिकको जीवन रक्षाको लागि सरकारी मापदण्डअनुसार कोभिड-१९ भ्याक्सिन उपलब्ध गराइदिन वा खोप खरिदका लागि अनुमति प्रदान गरिदिन अनुराेध गरेकाे छ।
उपमहानगरपालिका प्रमुख नृप वडले सरकारले खाेप खरिद गर्न नसके व्यवसायीले पनि खरिद गरेर ल्याउने वातावरण बनाउनुपर्ने बताए। उनले केन्द्र र प्रदेश सरकार सुतेका बेला दबाबका लागि भए पनि खाेप खरिदका लागि अनुमति मागिएकाे बताए।
प्रकाशित: May 28, 2021| 07:09 शुक्रबार, जेठ १४, २०७८
