काठमाडौं - नेपाली कांग्रेसका सभापति शेर बहादुर देउवाले नेपालगञ्जको भेरी अस्पतालमा स्वास्थ्यकर्मीमाथि भएको आक्रमणको निन्दा गरेका छन्।
सामाजिक सञ्जालमा शुक्रबार बिहान लेख्दै उनले घटनाको तत्काल छानबिन गरी आक्रमणमा संलग्नलाई कडा कारबाहीको माग गरेका छन्।
उनले भनेका छन्, 'यो महामारीका बेला ठूलो जोखिम लिएर स्वास्थ्यकर्मीहरू बिरामीको उपचारमा दिनरात खटेका छन्। स्वास्थ्यकर्मीमाथि भएको घटनाको तत्काल छानविन गरी आक्रमणमा संलग्नमाथि कडा कारबाही गर्न माग गर्दछु।'
प्रकाशित: May 28, 2021| 03:41 शुक्रबार, जेठ १४, २०७८
