काठमाडौं– गण्डकी प्रदेश स्वास्थ्य निर्देशनालयले गोरखाको बारपाकमा चिकित्सककको टोली पठाएको छ।
कोरोनासँग मिल्दोजुल्दो लक्षण देखिएपछि बारपाक सुलिकोट गाउँपालिकाले रोकथाम तथा नियन्त्रणका लागि सम्बन्धित निकायलाई आग्रह गरेपछि निर्देशनालयले आवश्यक औषधि तथा उपकरण (परिक्षण किट) सहितको विशेषज्ञ चिकित्सक, नर्सिङ स्टाफ, प्रयोगशालाकर्मी मनोसामजिक परामर्शदाताको संयुक्त टोली उक्त स्थानतर्फ पठाइएको निर्देशनालयले जनाएको छ।
निर्देशनालयका निर्देशक विनोद विन्दु शर्माका अनुसार गाउँपालिका अध्यक्षबाट गत १ हप्तामा १० जनाको निधन भएको जानकारी आएपछि त्यहाँको वास्तविकताको थप अध्ययन, अनुसन्धान तथा नियन्त्रणका लागि चिकित्सकसहितको टोली पठाइएको हाे।
प्रकाशित: May 27, 2021| 12:35 बिहीबार, जेठ १३, २०७८
