काठमाडौं- विघटित प्रतिनिधिसभाको महिला तथा सामाजिक समितिकी सभापति निरुदेवी पालले गाडी फिर्ता गरेकी छन्। संसद सचिवालयले उपलब्ध गराएको गाडी फिर्ता गरेको भन्दै उनले फेसबुकमा स्टाटस लेखेकी छिन्। उनी नेकपा एमालेको तर्फबाट सांसद बनेकी थिइन्।
‘संघीय संसद सचिवालयले महिला तथा सामाजिक समिति सभापतिको हैसियतले उपलब्ध गराएको गाडी आज सकुसल सवारी शाखामा बुझाइयो,' उनले फेसबुकमा लेखेकी छिन्।
प्रधानमन्त्री केपी शर्मा ओलीको सिफारिमा राष्ट्रपति विद्यादेवी भण्डारीले जेठ ८ गते राती पौने २ बजे प्रतिनिधि सभा विघटन गरेकी थिइन्। त्यसविरुद्ध नेकपा एमालेका वरिष्ठ नेता माधवकुमार नेपाल पक्षसहित विपक्षी गठबन्धनले सर्वोच्च अदालतमा रिट दायर गरेका छन्।
प्रकाशित: May 27, 2021| 08:41 बिहीबार, जेठ १३, २०७८
