काठमाडौं- प्रधानन्यायाधीश चोलेन्द्रशमशेर राणाको एकल इजलासले प्रतिनिधिसभा विघटनसम्बन्धी १९ वटा रिटलाई संवैधानिक इजलासमा पठाउन आदेश दिएको छ।
आज बिहीबार राणाको इजलासमा १९ वटा रिट निवेदनको सुनुवाइ भएको थियो। नियमित एकल इजलासमा प्रतिनिधिसभासम्बन्धी रिटको सुनुवाइपछि सबै निवेदन संवैधानिक इजलासमा सुनुवाइ हुने आदेश भएको हो।
अब प्रतिनिधिसभा विघटनसम्बन्धी परेका सबै रिटको सुनुवाइ संवैधानिक इजलासमा हुने भएको छ। ११ वटा रिटको सुनुवाइ यसअघि नै संवैधानिक इजलासमा तोकिएको थियो।
प्रतिनिधिसभा विघटनसम्बन्धी सबै ३० वटा रिटको सुनुवाइ अब शुक्रबारदेखि संवैधानिक इजलासमा सुरु हुनेछ।
प्रकाशित: May 27, 2021| 08:18 बिहीबार, जेठ १३, २०७८
