काठमाडौं– पछिल्लो २४ घण्टामा काठमाडौं उपत्यकाका तीन जिल्लामा १ हजार ४९३ जनामा कोरोना पुष्टि भएको छ। काठमाडौंमा १ हजार १३९, भक्तपुरमा ११३ र ललितपुरमा २४१ गरी १ हजार ४९३ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार आज संक्रमित हुने भन्दा संक्रमणमुक्त हुनेको संख्या धेरै छ। बिहीबार ६ हजार ७१६ जना संक्रमित कोरोनामुक्त भएका छन् भने ६ हजार ७१४ जना संक्रमित थपिएका छन्। अहिले १ लाख १७ हजार ७७ जना संक्रमित आइसोलेसनमा छन्।
प्रकाशित: May 26, 2021| 11:46 बुधबार, जेठ १२, २०७८
