अन्तिम खेलमा जापानको सानदार जित

काठमाडौं- विश्वकप फुटवल सुरु हुन एक दिनमात्रै बाँकी रहदा आफ्नो अन्तिम मैत्रीपूर्ण खेलमा जापानले सानदार जित हात पारेको छ । मंगलबार राति भएको खेलमा पाराग्वेलाई ४-२ ले हराउदै जापानले जित निकालेको हो । 

जापानका लागि ताकाशि इनुईले २ तथा शिन्जि कागावाले एक गोल गरे । फेडेरिको सान्टान्डरले आत्मघाती गोल गरेपछि जापान आफ्नो खातामा ४ गोल पुर्याएको हो । पाराग्वेका लागि अस्कर रामेरो र रिचर्ड अर्टिजले गोल गरेका थिए।

एसियाली राष्ट्र जापानले यस पटक राम्रो लय समाएको छ । विश्वकपको समूह एच मा रहेको उसले पोल्याण्ड, सेनेगल र कोलम्बियासँग समूह चरणमा प्रतिश्पर्धा गर्नेछ ।