काठमाडौं- दुर्गा प्रसाईं सञ्चालक रहेको झापाको विर्तामोडस्थित बी एन्ड सी मेडिकल कलेजलाई काठमाडौं विश्वविश्वद्यालयले सम्बन्धन दिएको भन्दै प्राध्यापक संघले आपत्ति प्रकट गरेको छ। विश्वविद्यालयको ८९औँ सभाको एजेन्डा नै नभएको मेडिकल कलेजला सम्बन्धन दिन दबाब दिइएको भन्दै काठमाडौं विश्वविद्यालय प्राध्यापक संघले आपत्ति जनाएको हो।
मंगलबार संघले विज्ञप्ति जारी गरी विश्वविद्यालयले चिकित्सा शिक्षा ऐनलाई मिचेर दिएको सम्बन्धन अवैधानिक भएको समेत उल्लेख गरेको छ। चिकित्सा शिक्षा ऐनलाई लत्याएर बी एन्ड सीलाई सम्बन्धन दिने प्रक्रिया अघि बढ्नु अनुचित र अवाञ्छित भएको संघको ठहर छ।
काठमाडौं विश्वविद्यालअन्तर्गत अहिले भएका कलेजहरुको नै अनुगमन र निरीक्षण गर्न हम्मे–हम्मे परिरहेका बेला थप सम्बन्धनका लागि दबाब दिएको कुरा संघलाई स्वीकार्य नभएको विज्ञप्तिमा उल्लेख छ।
डा गोविन्द केसीका प्रेस संयोजक प्रितम सुवेदीमाथि कलेजका सञ्चालक प्रसाईंले भौतिक आक्रमणको धम्की दिएको घटनाप्रति पनि निन्दा गरेको छ।
