काठमाडौं– संसद् विघटनको विरोधमा नेपाल विद्यार्थी संघले मंगलबार राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुतला जलाएको छ। पुतलीसडकको शंकरदेव क्याम्पसअगाडि उनीहरुले राष्ट्रपति र प्रधानमन्त्रीको पुतला जलाएका हुन्।
नेविसंघ संकरदेव क्याम्पस एकाइद्वारा आयोजित विरोध कार्यक्रमको नेतृत्व संघका महामन्त्री बलदेव तिमल्सिनाले गरेका थिए। प्रदर्शनपछि भण्डारी–ओली प्रवृत्तिको अन्त्यका निम्ति प्रतीकात्मक अन्त्येष्टि गरिएको कार्यक्रमका संयोजक संघका शंकरदेव क्याम्पसका नेता दीपक ओझाले बताए। विरोध स्वरूप सहभागीले कालो लुगा लगाएका थिए।
प्रकाशित: May 25, 2021| 12:21 मंगलबार, जेठ ११, २०७८
