प्रदेश १ मा १,०३९ संक्रमित थपिए

विराटनगर– प्रदेश १ मा शुक्रबार १०३९ जना कोरोना संक्रमित थपिएका छन्। २ हजार ५८६ जनाको पीसीआर परीक्षण गर्दा ४२४ महिला र ६१५ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ। 

मन्त्रालयका अनुसार मोरङमा ३३०, झापामा २४२, सुनसरीमा १७८, इलाममा ६०, ताप्लेजुङमा ५१, खोटाङमा ३२, पाँचथरमा २६, तेहथुममा २७, धनकुटामा १३, संखुवासभामा ९, उदयपुरमा ७, भोजपुरमा ३ र प्रदेश १ बाहिरका ६१ जनामा संक्रमण देखिएको छ। 

प्रदेश १ मा कोरोना संक्रमितको संख्या ४९ हजार ५८० पुगेको छ। संक्रमित भएका मध्ये ३२ हजार ९ जना संक्रमणमुक्त भएका छन्। सक्रिय संक्रमितको संख्या १६ हजार ८३६ पुगेको छ।