अमेरिकाबाट तीन जहाज स्वास्थ्य सामग्री नेपाल आउँदै

काठमाडौं - अमेरिकाले तीन उडानमा स्वास्थ्य सामग्री नेपाल पठाएको छ।

अमेरिकी सहयोग एजेन्सी युएसएआइडीले बिहीबार प्रेस विज्ञप्ति जारी गर्दै तीन उडानमा स्वास्थ्य सामग्री काठमाडौंका लागि छुटिसकेको जानकारी दिएको हो। 

'सर्जिकल मास्क, फेस सिल्ड र मेडिकल पञ्जासहितका सामग्री काठमाडौंका लागि छुटिसकेका छन्,' यूएसएआइडीको विज्ञप्तिमा भनिएको छ, 'नेपालसहित दक्षिण एसियामा अमेरिकाले पठाएको यो पहिलो चरणको सहयोग हो।'

अमेरिकाले कोरोना भाइरसविरुद्धको लडाईंका लागि यो आपत‍्कालीन सहयोग भएको जानकारी दिएको छ। विगत तीन सातामा अमेरिकाले डेढ करोड डलरभन्दा बढीका सामग्री नेपाललाई सहयोग गरेकोसमेत विज्ञप्तिमा उल्लेख गरिएको छ। अमेरिकाले नेपाललाई अक्सिजनको आपूर्ति र यसको उत्पादन प्रणालीका लागि समेत सहयोग गरेको छ। 

गत नोभेम्बर महिनामा अमेरिकाले नेपाललाई १०० थान भेन्टिलेटर सहयोग प्रदान गरेको थियो।