बुटवलमा थप चार कोरोना संक्रमितको मृत्यु

कोरोना संक्रमणबाट बुटवलमा थप चार जनाको मृत्यु भएको छ।

नेपाल समय | शुक्रबार, जेठ ७, २०७८

नेपाल समय

शुक्रबार, जेठ ७, २०७८

बुुटवल - कोरोना संक्रमणबाट बुटवलमा थप चार जनाको मृत्यु भएको छ।

लुम्बिनी प्रादेशिक अस्पताल बुटवलको आकस्मिक कक्षमा शुक्रबार (आज) बिहान तीन जना र बिहीबार राति एक जना गरी थप चार जना कोरोना संक्रमितको मृत्यु भएको हो।

अस्पतालका सूचना अधिकारी डा. विष्णु गौतमका अनुसार गुल्मीको चन्द्रकोट गाउँपालिका-४ की ५६ वर्षीया महिलाको बिहान ४ बजे, नवलपरासी बर्दघाट नगरपालिका-४ का ६२ वर्षीय पुरुष बिहान ३ बजे र नवलपरासी बर्दघाट नगरपालिका-४ कै ३९ वर्षीय पुरुषको बिहान ७ : २५ बजे मृत्यु भएको हो।

यसमध्ये बर्दघाटका ३९ वर्षीय पुरुषको धागो कारखानास्थित कोरोना विशेष अस्पतालको आईसीयूमा मृत्यु भएको हो।

यस्तै रुपन्देही सैनामैना-१० का ७७ वर्षीय पुरुषको बिहीबार साँझ ७ बजे मृत्यु भएको सूचना अधिकारी डा. गौतमले बताए। उनका अनुसार तीनै जनालाई श्वासप्रश्वासमा समस्या देखिएको थियो।

प्रकाशित: May 21, 2021| 04:55 शुक्रबार, जेठ ७, २०७८