राष्ट्रियसभा उपनिर्वाचनमा मतदातालाई कोरोना रिपोर्ट अनिवार्य नहुने

काठमाडौं- राष्ट्रियसभाको बिहीबारको उपनिर्वाचनमा मतदातालाई कोरोना परीक्षणको रिपोर्ट अनिवार्य नगरिने भएको छ।

मतदान प्रक्रियाबाट मतदाता कसैलाई पनि वञ्चित नगर्नका लागि यस्तो निर्णय गरिएको निर्वाचन आयोगले जनाएको छ। 

बागमती प्रदेशका प्रदेशसभा सदस्य तथा स्थानीय तहका प्रमुखउपप्रमुख मतदाता रहने निर्वाचनमा कोरोना संक्रमित मतदाताका लागि भने अलग्गै व्यवस्था हुने निर्वाचन अधिकृत डिल्लीरत्न श्रेष्ठले जानकारी दिनुभयो। बिहान ९ बजेदेखि सुरु हुने मतदान प्रक्रिया अपराह्न ३ बजे सकिने छ। 

बागमती प्रदेशअन्तर्गतका उपनिर्वाचनमा नेकपा(एमाले)का तर्फबाट गृहमन्त्री रामबहादुर थापा चुनावी मैदानमा छन्। त्यस्तै नेपाली कांग्रेस, माओवादी केन्द्र र नेकपा एमालेको माधव नेपाल समूहका तर्फबाट खिमलाल देवकोटा चुनावी प्रतिस्पर्धामा छन्।

नेपाल मजदुर किसान पार्टीबाट कृष्णगोपाल तामाङ चुनावी मैदानमा छन्।  निर्वाचनका लागि गृहमन्त्री थापासहित एमाले नेता कृष्णगोपाल श्रेष्ठ, गोकुलप्रसाद बाँस्कोटा, कृष्णबहादुर राईलगायत नेता बुधबार हेटौंडा पुगेका छन्। रासस