काठमाडौंमा ५१ आईसीयू बेड र ६५ वटा भेन्टिलेटर खाली [ हेर्नुस् सूची ]

काठमाडाैं-  काठमाडौं उपत्यकाका विभिन्न अस्पतालमा मंगलबार ५१ वटा आईसीयू बेड र ६५ वटा भेन्टिलेटर खाली रहेको स्वास्थ्य मन्त्रालयले जनाएको छ।

निजी तथा सरकारी अस्पतालले कोरोना स्रंक्रमितका लागि बेड अभाव रहेको भनिरहँदा स्वास्थ्य मन्त्रालयले भने आईसीयू र भेन्टिलेटर खाली रहेको तथ्यांक सार्वजनिक गरेको हो।

मन्त्रालयका वीर अस्पतालमा २० वटा आईसीयूमध्ये १४ वटामा बिरामी छन् भने ६ वटा खाली छन्। त्यस्तै १० वटा भेन्टिलेटरमध्ये ६ वटामा मात्रै संक्रमित छन् भने बाँकी ४ वटा भेन्टिलेटर खाली छन्।

त्यस्तै वीर अस्पताल ललितपुरमा २६ वटा आईसीयूमध्ये २० वटामा बिरामी छन् भने ६ वटा खाली छन्। त्यस्तै १७ वटा भेन्टिलेटरमध्ये १३ वटामा मात्रै संक्रमित छन्।

सिभिल अस्पताल बानेश्वरमा २४ वटा आईसियूमध्ये १३ वटामा बिरामी छन् भने ११ वटा खाली। त्यस्तै ३ वटा भेन्टिलेटरमध्ये ३ वटै भेन्टिलेटर खाली छन्। 

त्यस्तै भक्तपुर  अस्पताल भक्तपुरमा ८ वटा आइसियूमध्ये ८ वटैमासंक्रमित छन् भने ८ वटा भेन्टिलेटरमध्ये २ वटामा मात्रै संक्रमित छन्। नेपाल मेडिसिटी अस्पतालमा सबै आईसियू संक्रमितले भरिएका छन् भने ३० वटा भेन्टिलेटरमध्ये ६ वटामा मात्रै कोरोना संक्रमित छन्।

नेपाल मेडिसिटीमा २४ वटा भेन्टिलेटर खालि छ। मनमोहन अस्पताल स्वयम्भुमा १७ वटा आईसियुमध्ये ९ वटा खाली छन् भने ३ वटै भेन्टिलेटरमा संक्रमित भर्ना भएका छन्। नेपाल मेडिकल कलेज शिक्षण अस्पताल जोरपाटीमा २० वटा आईसियुमा २० वटै संक्रमितले भरिएका छन् भने १० वटा भेन्टिलेटरमध्ये ६ वटा भेन्टिलेटर खालि छन्। 

काठमाडौं मेडिकल कलेज शिक्षण अस्पतालमा पनि १७ वटा आइसियु तथा ८ वटा भेन्टिलेटर खालि छन्। किष्ट अस्पताल ग्वार्कोमा १२ वटै आइसियूमा बिरामीले भरिएका छन् भने १२ वटा भेन्टिलेटरमध्ये ४ वटा भेन्टिलेटर खालि छन्। 

कुन अस्पतालमा कति बिरामी?