भारतमा एकैदिन ५० चिकित्सकको मृत्यु

कोरोना भाइरसको संक्रमणका कारण भारतमा एकैदिन ५० चिकित्सकको मृत्यु भएको छ।

नेपाल समय | मंगलबार, जेठ ४, २०७८

नेपाल समय

मंगलबार, जेठ ४, २०७८

काठमाडौं - कोरोना भाइरसको संक्रमणका कारण भारतमा एकैदिन ५० चिकित्सकको मृत्यु भएको छ। इन्डियन मेडिकल एशोसिएसनले सोमबार भारतभर संक्रमणका कारण ५० जना चिकित्सकले ज्यान गुमाएको जनाएको छ।

कोरोना भाइरसको दोस्रो लहरले सर्वसाधारण मात्रै नभई स्वास्थ्यकर्मीसमेत नराम्ररी संक्रमित भई ज्यान गुमाइरहेको एशोसिएसनले बताएको छ।

भारतभर कोरोनाको दोस्रो लहरमा परी २४४ जना चिकित्सकको ज्यान गइसकेको छ। भाइरसको पहिलो लहरमा भारतभर ७३६ जना डाक्टरले ज्यान गुमाएका एशोसिएसनको तथ्यांक छ। भारतभर भाइरसको पहिलो र दोस्रो लहरमा गरी अहिलेसम्म ९८० जना चिकित्सकको मृत्यु भइसकेको छ।

मेडिकल एशोसिएसनले भाइरसका कारण सर्वसाधारण मात्रै नभई अग्रभागमा खटिएर काम गरिरहेका स्वास्थ्यकर्मीको समेत ठूलो संख्यामा ज्यान गएकोमा चिन्ता व्यक्त गरेको छ।