एमाले कार्यदलको पहिलो बैठक बस्दै

काठमाडौं - सत्तारुढ दल नेकपा एमालेको आन्तरिक विवाद समाधान गर्न गठित कार्यदलको बैठक आज बस्ने भएको छ। 

कार्यदलमा अध्यक्ष ओलीको तर्फबाट संयोजक रहेका एमाले संसदीय दलका उपनेता सुवास नेम्बाङले पहिलो बैठक बस्ने जानकारी दिए। उनका अनुसार दिउँसो ३ बजे बैठक बस्न लागेको छ। 

कार्यदलले पार्टी एकताकै पक्षमा सहमति खोज्ने उनको भनाई छ। कार्यदलमा सबै सदस्य उपस्थित हुने या नहुनेबारे केही खुलेको छैन। ओलीको तर्फबाट कार्यदलका सदस्य रहेका लुम्बिनी प्रदेशका मुख्यमन्त्री शंकर पोखरेल दाङ छन्। 

यसअघि सोमबार नै कार्यदलको बैठक बस्ने तय थियो तर, माधव झलनाथ पक्षका कार्यदल संयोजक भीम रावलको आँखाको समस्याका कारणले बस्न सकेको थिएन्। प्रधानमन्त्री एवं अध्यक्ष केपी शर्मा ओली र वरिष्ठ नेता माधवकुमार नेपालबीच आइतबार भएको सहमति अनुसार दुवै पक्षबाट पाँच–पाँच जना सदस्य रहेको वार्ता टोली गठन भएको थियो।