बुटवलमा कोरोना संक्रमणबाट थप ४ जनाको मृत्यु

बुटवलस्थित लुम्बिनी प्रादेशिक अस्पतालमा ६ घण्टाको अन्तरमा ४ जना कोरोना संक्रमितको मृत्यु भएको छ।

नेपाल समय | मंगलबार, जेठ ४, २०७८

नेपाल समय

मंगलबार, जेठ ४, २०७८

बुटवलमा कोरोना संक्रमणबाट थप ४ जनाको मृत्यु

बुटवल - बुटवलस्थित लुम्बिनी प्रादेशिक अस्पतालमा ६ घण्टाको अन्तरमा ४ जना कोरोना संक्रमितको मृत्यु भएको छ। ४ जना मध्ये ३ जना रुपन्देहीका र एक जना अर्घाखाँचीका पुरुष रहेको लुम्बिनी प्रादेशिक अस्पतालले जनाएको छ।

अस्पतालका सूचना अधिकारी डा. विष्णु गौतमका अनुसार मृत्यु हुनेमा सियारी–३ रुपन्देहीका २९ वर्षीय पुरुषको बुटवल धागो कारखानाको आईसीयूमा सोमबार साँझ ७:२७ बजे मृत्यु भएको हो।

यसैगरी खनदह अर्घाखाँचीका ४३ वर्षीय पुरुषको पनि धागो कारखानाको आईसीयूमै राति १२:४ बजे मृत्यु भएको डा. गौतमले बताए। यसैगरी जेठ २ गते भर्ना भएका तिलोत्तमा २ रुपन्देहीका ७९ वर्षीय पुरुषको सोमबार साँझ ५ बजे र बुटवल–१२ का ४० वर्षीय पुरुषको सोमबार साँझ ६ बजे प्रादेशिक अस्पतालको आकस्मिक कक्षमा मृत्यु भएको हो। रुपन्देहीमा कोरोना संक्रमितबाट मृत्यु हुनेको संख्या २६५ पुगेको छ।

प्रकाशित: May 18, 2021| 04:49 मंगलबार, जेठ ४, २०७८