९,२४७ संक्रमित थपिँदा ५,२१५ जना संक्रमणमुक्त

देशभर पछिल्लो २४ घण्टामा ९ हजार २४७ जनामा कोरोना संक्रमण पुष्टि भएको छ।

नेपाल समय | सोमबार, जेठ ३, २०७८

नेपाल समय

सोमबार, जेठ ३, २०७८

९,२४७ संक्रमित थपिँदा ५,२१५ जना संक्रमणमुक्त

काठमाडौं– देशभर पछिल्लो २४ घण्टामा ९ हजार २४७ जनामा कोरोना संक्रमण पुष्टि भएको छ।

देशभरका प्रयोगशालाबाट २१ हजार ६५३ जनाको पीसीआर परीक्षण गर्दा ९ हजार १९८ जनामा र ४३४ जनाको एन्टिजेन परीक्षण गर्दा ४९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

नेपालमा हाल सक्रिय संक्रमितको संख्या १ लाख १३ हजार ४८० पुगेको छ। कुल संक्रमितको संख्या ४ लाख ६४ हजार २१८ पुगेको छ। पछिल्लो २४ घण्टामा २१४ जना कोरोना संक्रमितको मृत्यु भएको छ। योसँगै नेपालमा कोरोनाबाट ज्यान गुमाउनेको संख्या ५ हजार २१५ पुगेको मन्त्रालयले जनाएको छ।

सोही अवधिमा ५ हजार ७६७ जना संक्रमणमुक्त भएर घर फर्किएका छन्। योसँगै हालसम्म कोरोनामुक्त हुनेहरुको संख्या ३ लाख ४५ हजार ५२३ पुगेको छ।

प्रकाशित: May 17, 2021| 11:52 सोमबार, जेठ ३, २०७८