शुक्रबार थपिएका संक्रमित सबैभन्दा धेरै ३०–३९ वर्षका

पछिल्लो २४ घण्टामा कोरोना संक्रमित हुनेमध्ये सबैभन्दा धेरै ३० देखि ३९ वर्ष उमेर समूहका छन्।

नेपाल समय | शुक्रबार, वैशाख ३१, २०७८

नेपाल समय

शुक्रबार, वैशाख ३१, २०७८

शुक्रबार थपिएका संक्रमित सबैभन्दा धेरै ३०–३९ वर्षका

काठमाडौं– पछिल्लो २४ घण्टामा कोरोना संक्रमित हुनेमध्ये सबैभन्दा धेरै ३० देखि ३९ वर्ष उमेर समूहका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर ८ हजार ५२० जनामा कोरोना संक्रमण भएको छ। तीमध्ये ३० देखि ३९ वर्ष उमेर समूहका २ हजार ६ जना छन्।

यस्तै २० देखि २९ वर्षसम्मका १ हजार ८७५ जना संक्रमित भएका छन्। ९ वर्षसम्मका १९२ जना, १० देखि १९ वर्षसम्मका ५१० जना र ४० देखि ४९ वर्ष उमेर समूहका १ हजार ५१६ जना संक्रमित थपिएका छन्।

मन्त्रालयका अनुसार ५० देखि ५९ उमेर समूहमा १ हजार २२९ जना, ६० देखि ६९ उमेर समूहमा ६७० जना, ७० देखि ७९ वर्ष उमेर समूहका ३०९ जना संक्रमित भएका छन्।

यस्तै ८० देखि ८९ वर्ष उमेर समूहमा ११७ जना र ९० देखि १०० वर्ष उमेर समूहका १९ जनामा संक्रमण भएको छ। २४ जनाको भने उमेर खुलेको छैन।

प्रकाशित: May 14, 2021| 12:40 शुक्रबार, वैशाख ३१, २०७८