आईसीयू र भेन्टिलेटरमा १,७०५ जना संक्रमित 

काठमाडौं– नेपालमा कोरोना संक्रमणको दर बढेसँगै आईसीयू तथा भेन्टिलेटरमा भर्ना हुने संक्रमितको दर पनि बढेको छ। स्वास्थ्य तथा जनसंख्या मन्त्रालयको तथ्यांकअनुसार देशभर १ हजार ७०५ जना कोरोना संक्रमित आईसियू तथा भेन्टिलेटरमा उपचारत छन्। 

त्यसमध्ये ३७१ जना गम्भीर अवस्थाका कोरोना संक्रमितहरु भेन्टिलेटरमा उपचाररत छन् भने १ हजार ३३४ जना संक्रमित आईसियुमा छन्।  

शुक्रबार आइसियुमा रहेका संक्रमितको संख्या सबैभन्दा बढी बागमती प्रदेशमा ५४२ जना आईसियुमा र २२० जना भेन्टिलेटरमा उपचारत छन्। 

त्यस्तै प्रदेश १ मा १९० जना आईसियू र ५५ जना भेन्टिलेटरमा उपचाररत छन् भने प्रदेश २ मा १८९ आईसियुमा र ४० जना भेन्टिलेटरमा उपचाररत रहेको मन्त्रालयले जनाएको छ।  

गण्डकी प्रदेशमा ९२ जना आईसियू र १९ जना भेन्टिलेटरमा उपचाररत छन्। लुम्बिनी प्रदेशमा १६४ जना आईसियुमा र १६ जना भेन्टिलेटरमा उपचाररत छन् ।  

त्यस्तै कर्णाली प्रदेशमा १०८ जना आईसियुमा र ६ जना भेन्टिलेटरमा उपचाररत छन् भने सुदूरपश्चिममा ४९ आईसियुमा र १५ जना भेन्टिलेटरमा उपचाररत रहेको मन्त्रालयको तथ्यांक छ।