नारायणकाजीले एमालेलाई दिए बधाई, भने- अब माओवादीले अरूको विरोधमा समय खेर फाल्न हुँदैन

काठमाडौं - नेकपा (माओवादी केन्द्र) का नेता नारायणकाजी श्रेष्ठले माओवादीले अब प्रतिक्रियात्मक भएर अरूको विरोधमा समय खेर फाल्न नहुने बताएका छन्। 

फेसबुकमार्फत् नेकपा एमालेलाई बधाई तथा शुभकामना दिँदै उनले विचलन, निराशा र निष्क्रियता क्रान्तिकारी गुणचरित्र नभएको बताएका हुन्। 

‘देशभक्ति, क्रान्तिनिष्ठता, सिध्दान्तनिष्ठता र जनसेवालाई आत्मसात् गर्दै व्यवस्थितरूपमा वैचारिक सांस्कृतिक रुपान्तरण र संगठनात्मक सुदृढीकरणको अभियान सञ्चालन गर्नुपर्छ,’ उनले लेखेका छन्, ‘वैचारिक छिपछिपेपन, विधिपध्दतिको अवज्ञा, व्यक्तिवाद ,संकीर्णता, अनेकता ,गुटबन्दी , भ्रष्टीकरणबाट माथि उठ्नुपर्छ र त्यसको विरुध्द संघर्ष गर्न दृढ हुनुपर्छ।’ 

त्यसरी मात्र हामी क्रान्तिकारी पार्टी निर्माण र समाजवादको यात्रामा सफलताउन्मुख हुँदै अघि बढ्न सक्ने उनको भनाइ छ। ‘घिसिपिटेपन र तदर्थवादबाट फड्को नमारिकन पनि आजको आवश्यकता पस्रा गर्न सकिने छैन,’ उनले भनेका छन्, àतत्कालै भने सिंगो पाटी पंक्ति कोरोना महामारीसँग जुझ्न स्वयंसेवामा जुटौं।’