भारतमा एकै जिल्लाका १८ डाक्टरको सामूहिक राजीनामा

काठमाडौं– कोरोना भाइरसको महामारी उच्च विन्दुमा पुगिरहेको बेला भारतको उत्तर प्रदेशमा १६ जना डाक्टरले सामूहिक राजीनामा दिएका छन्।

जिल्ला स्वास्थ्य कार्यालयका अधिकारी र स्वास्थ्य विभागका अधिकारीहरुले आफूहरुसँग राम्रो व्यवहार नगरेको भन्दै उनीहरुले राजीनामा दिएका हुन्। 

प्रशासनको तानाशाही व्यवहार र स्वास्थ्यकर्मीलाई कुनैपनि सहयोग नगरेका कारण स्वाथ्यकर्मीले सामूहिक राजीनामा दिनुपरेको भारतीय सञ्चारमाध्यमले जनाएका छन। स्वाथ्यकर्मीले दिलोज्यान दिई निष्ठाका साथ महामारीमा काम गरिरहेका भए पनि जिल्ला स्वास्थ्य कार्यालय र स्वास्थ्य विभागले शक्तिको रवैया देखाई दण्डात्मक आदेश जारी गरी स्वास्थ्यकर्मीलाई निरुत्साहित गरेको उनीहरुको आरोप छ। 

स्वास्थ्यकर्मीले ज्यान जोखिममा राखेर काम गर्दा पनि स्वास्थ्य कार्यालय र स्वास्थ्य विभागले जहिल्यै असहयोग र निरुत्साहित गर्ने गरेको उनीहरुले जनाएका छन्।