पर्सामा पछिल्लो २४ घण्टामा आठ जनाकाे मृत्यु

पर्सा - पर्सामा पछिल्लो २४ घण्टामा उपचारको क्रममा आठ जनाकाे मृत्यु भएको छ। पर्सास्थित नारायणी अस्पतालमा उपचाररत बारा जिल्लाका तीन जना र पर्साका पाँच जनाकाे मृत्यु भएको हाे।

मृत्यु हुनेमा २३ गते भर्ना भएका पर्साकाे बहुदरमाई नगरपालिका-२, सिर्सिया वैरियाका ६५ वर्षीय पुरूष, वीरगंज-१० का ६९ वर्षीया महिला र साेही दिन भर्ना भएका वीरगंज महानगरपालिका-४ का ४० वर्षीया महिला छन्।

यसैगरी वैशाख २१ गते भर्ना भएका जगरनाथपुर गाउँपालिका-१ का ३५ वर्षीय पुरूष र साेही दिन भर्ना भएका वीरगंज महानगरपालिका-९ का ५५ वर्षीय पुरूषकाे गएराति मृत्यु भएको अस्पतालका काेभिड संयाेजक डा. सराेज राेशन दासले जानकारी दिएका छन्। 

त्यस्तै वैशाख १७ गते भर्ना भएका बारा निजगढ नगरपालिका-७ का ६० वर्षीय पुरूष, २६ गते भर्ना भएका बेहरी-१४ ७० वर्षीय पुरूष र साेही दिन भर्ना भएका वुनियाद गाउँपालिका-१ का ५५ वर्षीया महिलाको मृत्यु भएको नारायणी अस्पतालले जनाएको छ।

मृत्यु हुने सबै गम्भीर प्रकारकाे निमाेनियाका कारण उपचारको क्रममा मृत्यु भएको अस्पतालका काेभिड संयाेजक डा. दासले बताए।