सांसदहरुलाई प्रतिनिधिसभाको अधिवेशन अन्त्य भएको जानकारी

संसद् सचिवालयले प्रतिनिधिसभाको विशेष अधिवेशन अन्त्य भएको जानकारी सांसदहरुलाई गराएको छ।

नेपाल समय | सोमबार, वैशाख २७, २०७८

नेपाल समय

सोमबार, वैशाख २७, २०७८

सांसदहरुलाई प्रतिनिधिसभाको अधिवेशन अन्त्य भएको जानकारी

काठमाडौं– संसद् सचिवालयले प्रतिनिधिसभाको विशेष अधिवेशन अन्त्य भएको जानकारी सांसदहरुलाई गराएको छ।

प्रतिनिधिसभाका सचिव गोपालनाथ योगीले सोमबार राति सूचना जारी गर्दै वैशाख ३० गतेका लागि डाकिएको संसद् अधिवेशनसमेत अन्त्य भएको जानकारी गराएका हुन्।

मन्त्रिपरिषद्को सिफारिसमा राष्ट्रपतिले सोमबार राति १२ बजेदेखि प्रतिनिधिसभाको चालू विशेष अधिवेशन अन्त्य गरेकी छन्।

सचिव योगीले जारी गरेको सूचनामा उल्लेख छ, 'प्रतिनिधिसभाको चालू अधिवेशन सोमबार राति १२ बजेदेखि स्वतः अन्त्य हुने भएको हुँदा २०७८ साल वैशाख ३० गते बिहीबार दिनको १ बजे बस्ने गरी निर्धारण भएको प्रतिनिधिसभाको बैठकसमेत अन्त्य भएको सदस्यहरुको जानकारीका लागि लागि यो सूचना प्रकाशित गरिएको छ।’

प्रकाशित: May 10, 2021| 16:08 सोमबार, वैशाख २७, २०७८