माधव नेपालको स्पष्टीकरण : देश, जनता र पार्टीप्रतिको निष्ठाका लागि ओलीलाई विश्वासको मत दिएनौँ

काठमाडौं- नेकपा एमालेका नेता माधव नेपालले प्रधानमन्त्री केपी शर्मा ओलीले मुलुक, लोकतन्त्र र पार्टीको एकता भत्काउन खोजेकाले विश्वासको मत नदिइएको बताएका छन्।

सोमबार साँझ एक विज्ञप्ति जारी गर्दै नेता नेपालले केपी ओलीले पटकपटक मुलुकको संविधानमाथि धावा बोलेको, पार्टी एकता बचाउन उदासिन रहेको र एकताका लागि आफूहरुले गरेका प्रयासहरु लत्याएको आरोप लगाएका छन्।

साथै उनले ओलीका गलत क्रियाकलापको विरोध गर्दा आफूहरुलाई निकृष्ट शब्दहरुसहित स्पष्टीकरण सोधेको, पार्टी एकताका लागि गरेका पटकपटकका प्रयासहरु विफल पार्ने काम गरेको लगायतका आरोप लगाएका छन्।

नेता नेपालले प्रतिनिधिसभा विघटन, सर्वोच्च अदालतको फैसलादेखि हालसम्म ओलीले चालेका कदमहरुको स्मरण गर्दै ओलीलाई कुनै पनि दृष्टिले विश्वासको मत दिन उचित नरहेको ठहर गर्दै सोमबार विश्वाको मत लिने प्रयोजनका लागि बोलाइएको संसदको विशेष अधिवेशनमा सहभागी नभएको बताएका छन्।

नेपालले जारी गरेको विज्ञप्तिको पूर्णपाठ