माधव पक्षीय २५ सांसद संसद् बैठकमा उपस्थित नहुने, ओलीले प्रधानमन्त्री पद गुमाउने निश्चित

काठमाडौं - नेकपा एमालेको माधवकुमार नेपाल पक्षीय २५ सांसद आजको प्रतिनिधि सभा बैठकमा सहभागी नहुने भएका छन्। एमाले सांसद मेटमणि चौधरीले २५ जना प्रत्यक्ष र समानुपातिकतर्फका सांसद उपस्थित नहुने जानकारी दिए।

सिंहदरबारमा बसेको सो समूहका सांसदहरूको बैठकले प्रधानमन्त्रीलाई विश्वासको मत दिन बोलाएको बैठकमा सहभागी नहुने निर्णय गरेकाे थियाे। नेकपा एमालेका प्रतिनिधिसभामा प्रत्यक्ष र समानुपातिक गरेर १२१ जना सांसद छन्। 

माधव नेपाल पक्षका सांसदहरू बैठकमा अनुपस्थित हुने भएपछि ओलीले विश्वासको मत पाउने सम्भावना छैन। विपक्षी दलले उनलाई मतदान गर्ने छैनन् भने जसपाको महन्थ राजेन्द्र पक्षले पनि हिजो नै विश्वासको मत दिन नसक्ने बताइसकेको छ। त्यसकारण आज विश्वासको मत नपाएपछि प्रधानमन्त्री केपी शर्मा ओलीले आफ्नो पद गुमाउने निश्चित भएको छ।