बुटवल- नेपाली कांग्रेसले रुपन्देहीले कोभिड अस्पताल वा आइसोलेसन बनाउनका लागि आफ्नो कार्यालय भवन दिने भएको छ।
रुपन्देहीमा कोरोना संक्रमण भयावह बन्दै जाँदा बेड नपाएर बिरामीको मृत्यु हुन थालेपछि कांग्रेस रुपन्देहीले भैरहवास्थित आफ्नो कार्यालय आइसोलेसन वा अस्थायी अस्पताल निर्माणका लागि दिने भएको हो।
भीम अस्पतालको पछाडि रहेको कांग्रेसको जिल्ला कार्यालयमा दुईवटा हल, ११ वटा कोठासहितको दुई तले कम्पाउन्डसहितको भवन दिन तयार रहेको सभापति अब्दुल रज्जाकले बताए।
उनले आफूहरुले आइसोलेसन निर्माणका लागि तीनै तहका सरकार वा अन्य संघसंस्थालाई दिन तयार रहेको जनाएको छ। महामारीको यो घडीमा आम नागरिकको जीवन बचाउनका लागि सबै एकजुट हुन समेत कांग्रेसले अपिल गरेको छ।
प्रकाशित: May 07, 2021| 15:06 शुक्रबार, वैशाख २४, २०७८
-1758541028.png)
