काठमाडौं– कोरोना संक्रमित बढेसँगै आईसियु र भेन्टिलेटरमा उपचाररत बिरामीको संख्या बढेको छ।
स्वास्थ्य तथा जनसंख्या मन्त्रालयको तथ्यांकआनुसार देशभर हाल ९५९ कोरोना संक्रमित अस्पतालको आईसीयू र भेन्टिलेटरमा छन्। जसमा ७२८ जना आईसीयू र २३१ जना भेन्टिलेटरमा छन्।
प्रदेश १ मा १०४ जना आइसियूमा र १९ भेन्टिलेटरमा, प्रदेश २ मा ४६ जना आइसीयूमा र १२ जना भेन्टिलेटरमा छन्। बागमती प्रदेशमा सबैभन्दा धेरै ३७९ जना आइसीयूमा र १३९ जना भेन्टिलेटरमा छन्।
त्यस्तै गण्डकी प्रदेशमा ६३ जना आइसीयू र १४ जना भेन्टिलेटरमा, लुम्बिनी प्रदेशमा ७४ जना आइसीयू र २२ जना भेन्टिलेटरमा, कर्णालीमा ३३ जना आइसीयू र १२ जना भेन्टिलेटरमा र सुदूरपश्चिम प्रदेशमा २९ जना आइसीयू र १३ जना भेन्टिलेटरमा रहेको मन्त्रालयले जनाएको छ।
प्रकाशित: May 07, 2021| 12:07 शुक्रबार, वैशाख २४, २०७८
-1758541028.png)
