काठमाडौं- प्रधानमन्त्री केपी शर्मा ओलीले संवैधानिक परिषद्को बैठक बोलाएका छन्। आइतबारका लागि प्रधानमन्त्री ओलीले परिषद्को बैठक बोलाएका हुन्।
संवैधानिक परिषद्सम्बन्धी दोस्रोपटक विवादास्पद अध्यादेश जारी गरेपछि उनले बैठक बोलाएका हुन्।
संवैधानिक निकायमध्ये लोकसेवा आयोगमा पदाधिकारीहरू खाली छन् भने समावेशी आयोग, निर्वाचन आयोगमा पनि पदाधिकारी रिक्त छन्।
बैठकमा सभामुख अग्निप्रसाद सापकोटा र प्रमुख प्रतिपक्षी दलका नेता शेरबहादुर देउवा सहभागी हुने/नहुने टुंगो छैन।
परिषद्मा दुई वा दुई भन्दा बढी सदस्य मात्रै भएर पनि निर्णय गर्न सक्ने व्यवस्थासहितको अध्यादेश ल्याएर यसअघि नै रिक्त निकायमा नियुक्ति गरिसकिएको छ। दलहरूले यसको विरोध गर्दै आइरहेका छन्।
परिषद्मा प्रधानमन्त्री अध्यक्ष हुने व्यवस्था छ।
प्रकाशित: May 07, 2021| 11:27 शुक्रबार, वैशाख २४, २०७८
-1758541028.png)
