काठमाडौं– सरकारले आगामी असार पहिलो हप्तासम्ममा १५ लाख कोरोना संक्रमित पुग्ने अनुमान गरेको छ।
स्वास्थ्य तथा जनसंख्या मन्त्रालयले आज मंगलबार आयोजना गरेको भर्चुअल पत्रकार सम्मेलनमा इपिडिमियोलोजी तथा रोग नियन्त्रण महाशाखाका निर्देशक डा. कृष्ण पौडेलले असार पहिलो साता कोरोना संक्रमण उच्च हुने बताए।
यसअघिको प्रक्षेपणअनुसार सो अवधिमा ६ लाख संक्रमितको संख्या पुग्ने अनुमान गरिए पनि नयाँ भेरियन्ट फैलिएको पुष्टि भएपछि सरकारले जेठ अन्तिमदेखि असार पहिलोहप्तामा १५ लाख संक्रमित पुग्ने प्रक्षेपण गरेको हो।
साथै सो अवधिमा दैनिक ११ हजारभन्दा धेरै संक्रमित भेटिने डा. पौडेलले जानकारी दिए। जनस्वास्थ्यका मापदण्ड पालना गरे सो संख्या निकै कम गर्न सकिने पनि डा. पौडेलले बताए।
प्रकाशित: Apr 20, 2021| 11:48 मंगलबार, वैशाख ७, २०७८
