भारतमा दैनिक दुई लाखभन्दा बढी संक्रमित

नयाँदिल्ली - पछिल्लो २४ घण्टामा भारतमा दुई लाख १७ हजारभन्दा बढी मानिसमा कोरोना भाइरसको संक्रमण पुष्टि भएको छ।

पछिल्लो २४ घण्टामा दुई लाख १७ हजार ३५३ जना नयाँ कोरोना भाइरस संक्रमित भेटिएको भारतको संघीय स्वास्थ्य मन्त्रालयले जानकारी दिएको छ। 

भारतमा पछिल्ला दुई दिनयता लगातार दुई लाखभन्दा बढी संक्रमित भेटिएको पुष्टि भएको छ। बिहीबार मन्त्रालयले दिएको जानकारी अनुसार दुई लाख १६ हजारभन्दा बढी संक्रमित भेटिएका थिए। 

India reports 2,17,353 new #COVID19 cases, 1,18,302 discharges and 1,185 deaths in the last 24 hours, as per Union Health Ministry

Total cases: 1,42,91,917
Total recoveries: 1,25,47,866
Active cases: 15,69,743
Death toll: 1,74,308

Total vaccination: 11,72,23,509 pic.twitter.com/dQYtH8QCN6

— ANI (@ANI) April 16, 2021

भारतमा २४ घण्टायता एक हजार १८५ जना कोरोना संक्रमितको मृत्यु भएको मन्त्रालयलाई उद्धृत गर्दै एसियन न्युज इन्टरनेसनल (एएनआई)ले उल्लेख गरेको छ। 

यस्तै २४ घण्टामा भारतमा एक लाख १८ हजार ३०२ जना कोरोना संक्रमणमुक्त भएका छन्। 

पछिल्लो तथ्यांकसँगै भारतमा कुल संक्रमितको संख्या एक करोड ४२ लाख ९१ हजार ९१७ पुगेको छ। यीमध्ये एक करोड २५ लाख ४७ हजार ८६६ जना भने संक्रमणुक्त भइसकेका छन्।

हाल १५ लाख ६९ हजार ७४३ जना सक्रिय संक्रमित छन्। भारतमा हालसम्म एक लाख ७४ हजार ३०८ जना संक्रमितको मृत्यु भएको मन्त्रालयले जानकारी दिएको छ। 

भारत सरकारले कोरोना भाइरसविरुद्धको भ्याक्सिन लगाउने कामलाई तीव्रता दिए पनि यसले अपेक्षाकृतरूपमा संक्रमण रोक्न सकेको छैन। भारतमा हालसम्म ११ करोड ७२ लाख २३ हजार ५०९ जनालाई भ्याक्सिन लगाइएको मन्त्रालयले उल्लेख गरेको छ।