महाराष्ट्रमा दुई साता लकडाउन

मुम्बई- भारतको महाराष्ट्र राज्य सरकारले लकडाउनको घोषणा गरेको छ। मुख्यमन्त्री उद्धव थाक्रेले मंगलबार एक भिडियो सन्देश जारी गर्दै दुई साताका लागि लकडाउन घोषणा गरिएको बताएका हुन्। 

कोरोना भाइरसलाई नियन्त्रणमा लिन विभिन्न उपाय अनपाइएपनि स्थिति नियन्त्रणमा नआएको भन्दै लकडाउनको घोषणा गरिएको हो। अप्रिल १४ को बिहान ७ बजेबाट लागू हुने लकडाउन मे १ सम्म जारी हुने उनले बताएका छन्। 

कोरोना भाइरसको असहज परिस्थिति हुँदाहुँदै पनि सरकारले निरन्तर रूपमा स्वास्थ्य सेवा प्रवाह गर्ने पूर्वाधार अपग्रेड गरिरहेको भिडियो सन्देशमा थाक्रेले उल्लेख गरेका छन्। तैपनि विभिन्न अभाव रहेको समेत उल्लेख गरिएको छ। 'मेडिकल अक्सिजन, अस्पतालका शय्या र रेम्देसिभिरको माग बढेको छ,' भिडियो सन्देशमा भनिएको छ। 

लकडाउनको समयमा पनि आपत्कालीन सेवा भने बिहान ७ देखि राति ८ बजेसम्म खुल्ला रहने बताइएको छ।